தொப்பையை குறைக்கும் கொள்ளு!

எனக்குத்தெரிஞ்ச ஆட்டோ டிரைவர் ஒருத்தர், தனது தொப்பையை குறைக்க வழி கேட்டார். நான் ஒரு வைத்தியன் என்பது அவருக்கு தெரிந்திருக்க வாய்ப்பில்லை என்பதால் எனது வைத்திய அனுபவம் பற்றி சொன்னேன். சரி மருந்து கொடுங்க என்று கேட்டார். நான் செய்யும் வைத்தியம் ஒன்றும் மூடு மந்திரம் இல்லை. அந்தக்கால வைத்தியர்கள் பிறருக்கு வைத்தியம் பற்றி சொல்லாமலே விட்டுப்போனதால்தான் நமது வைத்தியம் வெளியே தெரியாமல் இருந்துவிட்டது என்பார்கள். அதற்காக நாமும் அப்படி இருக்கப்போவதில்லை. கீழே வழிமுறைகளை சொல்கிறேன், பார்த்து படித்து பலன்பெறுங்கள்.
உடல்பருமன், தொப்பை, தேவையற்ற கொழுப்பு போன்றவற்றை குறைக்க வேண்டுமானால் இருக்கவே இருக்கிறது கொள்ளு. இதனுடன் நாட்டு மருந்து கடைகளில் கிடைக்கக்கூடிய இந்துப்பை சேர்த்து நீரில் வேக வைத்து அதன் சாறை மாலை வேளைகளில் அருந்திவந்தால் படிப்படியாக குறையும். இதைத்தான் அந்த டிரைவருக்கு கொடுத்தேன். கூடவே இன்னும் சில மருந்துகளையும் கொடுத்தேன். ஆறே நாளில் ரிசல்ட் கிடைத்ததாக சொன்னார். முன்னாடியெல்லாம் நின்று குனிந்து பார்த்தால் அவரது கால்விரல் நகம் தெரியாதாம். கொள்ளு சாப்பிட்ட பிறகு கால்விரல் நகம் தெரிவதாக கூறினார். கூடவே சாப்பிடும்போது சோத்துப்பருக்கைகள் கீழே விழுமாம் (தொந்தி இடிப்பதால்). இப்போது கீழே சோறு விழாமல் சாப்பிடுகிறேன் என்றார். நல்ல ரிசல்ட்தானே? செய்து பாருங்க (பருமனானவர்கள்). குதிரை மாதிரி சும்மா கும்முனு இருக்கலாம்.